تاج

جاللى تاج من سنا الإسلام ومن ابن أخ جزاهما الله خيرا والتاج بيقول

تكلم عن هواية لما بتمارسها بتستغرق فيها تماما وتنفصل عن عالم الواقع لفترة من الوقت أثناء ممارستها؟

أى عمل فيه إثارة للذهن ودعوة للفكر -خاصة فى موضوع الحركة الإسلامية والحكم فى الإسلام -أجد نفسى قد انشغلت بها لأقصى حد ممكن ومن هذه الأعمال

حوار حول قضية فكرية خاصة مع أبى والأستاذ ياسر عبده وبعض الأخوة اللى بيحبوا يفكروا
حضور الندوات والمحاضرات
قراءة المقالات والتحليلات والكتب خاصة فهمى هويدى وسيد قطب ورفيق حبيب والشيخ الغزالى وأبوالعلا ماضى وعبدالمنعم أبوالفتوح وعمرو حمزاوى وضياء رشوان ونبيل فاروق :)
الإستغراق فى التفكير فى موضوع معين ومحاولة تحليله وربطه بالأحداث المحيطة زى مابيقول عبده السرحان بس السرحان دا مبيعمليش استرخاء. دا بيصدعلى دماغى

وباستغرق فى حاجات تانية زى
القراءة فى أمور الزواج ونفسية الرجل والمرأة
وفى التربية بشكل عام وتربية الأولاد بشكل خاص وبالذات لأكرم رضا ولسعد رياض
استنتاج ردود أفعال الأشخاص يعنى مثلا كنا قاعدين فى جلسة وكل واحد بيقول الذكر اللى بيحبه وسبحان الله تجد أن نوع الذكر مرتبط بشخصية الأخ ارتباط عجيب والعلاقة دى تلاقيها فى طريقة قراءة القرآن وكمان فى سواقة العربيات
وباستغرق برضوا - لما يكون فى وقت - فى التفكر فهذه العبادة محببة جدا إلى قلبى
وباحب اسمع أناشيد أبو مازن خاصة نشيد اليوم عيد وأبو راتب وأبو الجود وأبو دجانة

وأمرر هذا التاج للشيخ محمد والمهندس محمد حمزة والأخ تاسو وعمر وأحمد مؤمن ولجيمى وابو حنين ومحمود باشا المنوفى ولشاهين ورمزى

حاولت أعرف معنى تاج ايه من المترجم الجوجلى بس معرفتش للأسف